U mbajt akademi përkujtimore me rastin shënimit të 78 vjetorit të rënies së luftëtarëve të “Besëlidhjes Shqiptare”

Tema të tjera...

Në komunën e Skenderajt ka filluar mirëmbajtja dimërore e rrugëve

15/12/2025

Superheronjtë në Skenderaj

15/12/2025

Kryetari Kastrati ka bërë ndezjen e dritave festive të fundvitit

15/12/2025

Kryetari Agim Aliu, të martën do të mbajë takimin e dytë publik me qytetarë

15/12/2025

Promovohet libri “Lotët e lumit”, i autores Kosovare Morina

15/12/2025

Komuna e Vitisë ka përfunduar me sukses punimet për asfaltimin e rrugës dhe asfaltimin e platosë para shkronjave të UÇK-së në Radivojc

15/12/2025

Në Malishevë, me rastin e përkujtimit të betejës së Grapit të Llapçevës dhe rënies së luftëtarëve të “Besëlidhjes Shqiptare”, të Partisë Nacional Demokratike Shqiptare (PNDSH), nën përkujdesjen e kryetarit të Komunës së Malishevës, Ekrem Kastrati, u mbajt një Akademi Përkujtimore dhe më pas u bënë edhe homazhe e nderime pranë përmendores për këta luftëtarë.

Në fjalën e rastit, i pari i Komunës së Malishevës, Ekrem Kastrati, tha se “populli ynë u nëpërkëmb në të gjitha etapat e historisë, por përpjekjet titanike bën që të ruajmë identitetin kombëtar dhe të mbijetojmë në të gjitha këto sfida”. Më pas, kryetari Kastrati foli për rëndësinë e kësaj beteje të zhvilluar në mars të vitit 1946 dhe përpjekjet kombëtare për liri dhe bashkim të trojeve shqiptare, dhe se kjo betejë i dëshmon më së miri këto përpjekje. “Të gjitha përpjekjet në të gjithë historinë tonë, u finalizuan me luftën e lavdishme të UÇK-së”, tha kryetari Kastrati, i cili shprehi mirënjohjen dhe respektin për të gjithë të rënët.

Më pas, një kumtesë për ngjarjen e paraqiti historiani Asllan Krasniqi, i cili në mënyrë kronologjike e përshkroi atë pjesë të historisë, të marsit të vitit 1946, e deri në vitin 1947, sa kishin zgjatur këto lëvizje, luftën e patriotëve dhe atdhetarëve shqiptar të asaj kohe, formimin e “Besëlidhjes Shqiptare” që ishte bërë në fshatin Llapçevë të Komunës së Malishevës, si dhe luftimet në fshatrat e komunave Malishevë, Klinë e Rahovec.

Në këtë akademi, me motivacionin për “Kontributin e dhënë për çlirim dhe bashkim të trojeve shqiptare”, kryetari i Komunës së Malishevës, Ekrem Kastrati, ka ndarë mirënjohje për familjet e luftëtarëve të rënë në betejën e Grapit të Llapçevës, Mustafë Ibishi, Feriz Gashi, Malë Bashota, Xajë Pataçani, Jahë Kabashi dhe Halil Imer Shala.

Në fund, janë bërë homazhe dhe nderime te përmendorja e ngritur për të rënët e kësaj beteje, në fshatin Dush ish Sferkë.