Nën organizimin e Drejtorisë për Kulturë, Rini dhe Sport në Komunën e Rahovecit, u mbajt orë letrare përkujtimore ku u nderua puna dhe aktiviteti i tij i pasur letrar nga bashkëpunëtorët dhe nxënësit e tij.
Kryetari Latifi çmoi lart figurën e tij, humanizmin dhe punën e tij ndër vite në gjimnazin “Xhelal Hajda-Toni”, ku mes tjerash theksoi: “Miftari është pjesë e plejadës së krijuesve letrar pas një lufte të ashpër e shkatërrimtare. Pas shumë përpjekjeve e sakrificave kombëtare, Miftari arriti që me ndjenjë të lartë përgjegjësie morale e atdhetare të jetësojë në vepra artistike këto përpjekje, këtë luftë e rënie të dëshmorëve e të martirëve. Duke qenë kaq i vendosur dhe në raport të drejtë me përmasën historike të luftës tonë kombëtare nën emblemën e UÇK-së, Miftar Kryeziu i bëri vend vetes në panteonin e kujtesës tonë kolektive.”
Për profesorin e ndjerë poashtu shpalosën kujtime edhe kolegët e tij nga gjimnazi “Xhelal Hajda-Toni” Sokol Gashi, si dhe nga fshati i tij i lindjes miku dhe kushëriri Ibrahim Kryeziu.
Në fund nxënës dhe artdashës lexuan fragmente nga veprat e tij të njohura, duke e bërë profesorin të jetoj gjithmonë mes krijimeve të tij të dashura për publikun.
I biri i tij Elbasan Kryeziu, falënderoi organizatorët dhe miqtë e tij për një organizim si ky.
I përjetshëm kujtimi dhe vepra e profesorit Miftar Kryeziu!
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
