Vitia pjesë e rindërtimit të kadastrit në tri zona kadastrale

25/02/2026 Institucionet

Zv.kryetari i komunës së Vitisë, Hasan Aliu, ka mirëpritur sot në takim drejtorin ekzekutiv të Agjencisë Kadastrale të Kosovës (AKK), Avni Ahmeti, për të diskutuar hapat konkretë drejt rregullimit të pronësisë në këtë komunë.

Gjatë takimit u prezantua projekti për Rindërtimin e Kadastrit në Viti, i cili synon trajtimin e çështjeve komplekse pronësore-juridike, si dhe harmonizimin e mospërputhjeve ndërmjet gjendjes faktike në terren dhe të dhënave në Regjistrin e të Drejtave mbi Pronat e Paluajtshme.

Ky projekt përfshin zonat kadastrale Tërpezë, Radivojcë dhe Sadovinë e Çerkezëve, me qëllim përmirësimin e saktësisë së të dhënave dhe lehtësimin e procedurave për qytetarët.

Me këtë rast, zv. kryetari Aliu shprehu gatishmërinë e plotë të Komunës së Vitisë për të bashkëpunuar ngushtë në realizimin e këtij projekti të rëndësishëm, i cili pritet të ketë ndikim të drejtpërdrejtë në rregullimin e çështjeve pronësore në zonat e përfshira.

Kontrolloni gjithashtu

ME 23 Mars nis Programi i Trajnimeve për Anëtarët e Kuvendeve Komunale

Asociacioni i Komunave të Kosovës do të nis implementimin e projektit të përkrahur nga Organizata …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara