Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri shqiptar i Mbrojtjes, Pirro Vengu, ka konsideruar reagimet e Beogradit ndaj stërvitjes së përbashkët ushtarake Shqipëri–Kosovë–Kroaci si një “panik të pajustifikuar”. Vengu theksoi se bashkëpunimi trepalësh vijon pa ndërprerje dhe synon forcimin e kapaciteteve të mbrojtjes për të tre vendet. Ai përmendi takimin e fundit me homologët e tij në Munih, ku u diskutuan hapat e ardhshëm për prokurimet në fushën e mbrojtjes, duke synuar kontrata më të mira dhe më të lira për të tre vendet. “Bashkëpunimi në fushën e industrisë përfshin edhe pjesëmarrjen në panairet që organizojnë kolegët kroatë, si dhe elementë stërvitorë të forcave tona. Nuk kemi pasur komunikim me Beogradin përveç faktit që ftesa është e hapur për të gjithë vendet e rajonit, por fatkeqësisht ata kanë zbatuar një politikë të karriges boshe”, tha Vengu, raporton Abcnews. Ai vuri në dukje se stërvitja ka karakter mbrojtës dhe është pjesë e bashkëpunimit rajonal, duke mos përbërë kërcënim ndaj askujt.
