Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot shënohet 111-vjetori i nisjes së Luftës së Parë Botërore. Më 28 korrik 1914, Austro-Hungaria i shpalli luftë Serbisë, pas vrasjes së Franc Ferdinandit në Sarajevë nga një atentator serb. Ky moment ndezi një konflikt global, që përfshiu fuqitë e mëdha të kohës dhe zgjati deri në vitin 1918.
Lufta mori jetën e mbi 20 milionë njerëzve dhe la pas shkatërrime të mëdha në mbarë botën. Edhe pse Shqipëria shpalli neutralitetin, territoret shqiptare u pushtuan nga ushtri të huaja dhe dhjetëra mijëra shqiptarë u vranë, u dëbuan ose u zhvendosën me forcë, veçanërisht në Kosovë, Çamëri dhe vise të tjera shqiptare.
Lufta e Parë Botërore mbetet një nga tragjeditë më të mëdha të njerëzimit – dhe një nga plagët e hapura në historinë e shqiptarëve.
