Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
16 kadetë të rinj të FSK-së kanë dhënë sot betimin në kazermën “Adem Jashari” në Prishtinë, në mesin e tyre edhe Luan Shkëlzen Haradinaj. Me rastin e kësaj ceremonie ministri i FSK-së Haki Demolli, transmeton kp, tha se FSK është e përkushtuar dhe objektivi i saj është ndërtimi i një force moderne e profesionale të sigurisë, të trajtuar mirë dhe të pajisur me infrastrukturë sipas standardeve të Aleancës Veri-atlantike . Demolli tha se sot janë rreshtuar kadetët më të mirë, ata që me sukses të dalluar i kanë kaluar të gjitha testet, e që kanë plotësuar më së miri të gjitha kriteret për këtë lloj të studimeve. Komandanti i Komandës së Doktrinës dhe Stërvitjes, tha se kjo qendër ka bërë një traditë me të cilën po krenohen të gjithë. Në mesin e 16 kadetëve që dhanë betimin sot është edhe Luan Haradinaj, djali i dëshmorit të kombit Shkëlzen Haradinaj. Për të parë nga afër betimin e nipit të tij, në ceremoni ka marrë pjesë edhe lideri i AAK-së, Ramush Haradinaj.
