Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rregullorja e Kuvendit të Kosovës, e përshtatur në radhë të parë për interesin e deputetëve, kërkon vetëm një paraqitje në 6 muaj në Kuvend, në mënyrë që mandati i deputetit të vazhdojë të jetë i vlefshëm. Aktualisht këtë të drejtë janë duke e shfrytëzuar deputetët e Listës Serbe, por këtë të drejtë sipas rregullores mund ta shfrytëzojë çdo deputet apo grup parlamentar. Duke e shfrytëzuar këtë “rregullore” deputetët serbë marrin nga 1772 euro në muaj pa i llogaritur shtesat, për karburante mbushje telefoni, mëditje e përfitime të tjera. Paga e re që për deputetët është rritur 150 euro me Ligjin për Paga, dhe sipas rregullores ajo u takon edhe deputetëve të rinj të Listës serbe, të cilët që nga 17 nëntori kur bënë betimin, nuk kanë shkelur më në Kuvend. Është hipokrizi për secilin deputet të pozitës apo të opozitës, që nuk shqyrtohet kjo rregullore dhe nuk merren masa kundër këtyre manipulimeve që i bëjnë ata që thirren si të zgjedhur me votën e popullit dhe këtë e bëjnë në emër të tyre.
