Të hënën me 23 Maj në ora 12:00, bëhet ceremonia e hapjes e shkollës së RE e muzikës “Halit Kasapolli”

21/05/2022 Njoftime

Tema të tjera...

Të hënën me 23 Maj në ora 12:00, bëhet ceremonia e hapjes e shkollës së RE e muzikës “Halit Kasapolli”. Pas shumë dekadash pune në kushte jo të mira këtij kapitulli po i vjen fundi. Tashmë qyteti i Pejës po bëhet me shkollë të re, shkollë e cila është ndërtuar dhe dizajnuar sipas standardeve të larta duke ju përshtatur specifikave të veçanta që kërkohën në muzikë. Nxënësit dhe gjeneratat e ardhshme padyshim që do të gjejnë frymëzim. Po punohet vazhdimisht që shkolla në të ardhmen të plotësohet me instrumente dhe drejtime të citat janë në mungesë të cilat do të ndikojnë drejtpërdrejtë në zhvillimin e gjeneratave të reja, kështu qyteti i Pejës gjithnjë po bëhet më i pasur.

“Ndihem shumë e lumtur për hapjen e objektit të ri shkollor, të shkollës së muzikës “Halit Kasapolli“ në Pejë, objekt me standarde që plotëson gjithë nevojat e të mësuarit bashkëkohor. Në ngritjen time profesionale Shkolla “Halit Kasapolli” ka vend të veçantë për shkak se rrugëtimi im në profesionin e pianistes, dhe ngritja e përgjithëshme profesionale, lidhen me këtë shkollë. Shkolla e muzikës „Halit Kasapolli“ ka qenë pishtar i suksesit tim brenda dhe jashtë Kosovës, andaj gëzohem që gjeneratat e reja do të kenë një objekt shkollor modern që do tua lehtësojë procesin mësimor. Në këto kushte moderne, do te jem afër gjeneratave premeteuse për të ndihmuar në avancimin e tyre profesional. Angazhimi im maksimal e profesional dhe i stafit tim të respektuar, do të jenë gjithmonë pranë dhe në shërbim për gjeneratat e reja”. -tha Rreze Kastrati, drejtoreshë e shkollës. Ceremonia e hapjes fillon në ora 12:00. Të pranishëm do të jenë përsonalitete të shquara të vendit. I pranishëm poashtu do të jetë edhe kryetari i Komunës së Pejës, z. Gazmend Muhaxheri nga i cili është është inicuar kjo ide. Shkolla e muzikës është gjithnjë falenderuese ngaj kryetarit z. Muhaxheri për mbështetjen e tij të fuçishme në realizimin e qëllimeve tona, kushteve të punës të cilët janë krijuar për të qenë pjesë e rezultateve dhe suksesve sa më të mira për qytetin e Pejës.

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Të hënën me 23 Maj në ora 12:00, bëhet ceremonia e hapjes e shkollës së RE e muzikës “Halit Kasapolli”

Tema të tjera...

Kontrolloni gjithashtu

“Kosova për Sanxhakun”: Rasti i epitafit në gjuhën shqipe në fshatin Ugëll të Peshterit në Sanxhak