leoni

Kamerat e sigurisë në qytetin e Malishevës, do të mbikëqyren nga policia

16/08/2019 Institucionet

Nga sot edhe zyrtarisht, sistemi i kamerave të sigurisë të vendosura në qytetin e Malishevës, do të jenë të mbikëqyrura nga ana e Policisë së Kosovës. Për këtë qëllim, në Malishevë ka qëndruar edhe drejtori i Drejtorisë Rajonale të Policisë-Gjakovë, kolonel Lumni Graishta, i shoqëruar edhe nga komandanti i stacionit policor në Malishevë, kapiten Azem Krasniqi, të cilët janë takuar me kryetarin e Komunës së Malishevës, Ragip Begaj, dhe kanë nënshkruar marrëveshjen e bashkëpunimit për kalimin e sistemit të kamerave të sigurisë në mbikëqyrje të Policisë së Kosovës. Kjo është bërë me qëllim të rritjes së sigurisë publike për qytetarët dhe pronën në qytetin e Malishevës. Komuna e Malishevës, ka investuar në vendosjen e sistemit të kamerave të sigurisë  me qëllim të rritjes së ofrimit të sigurisë publike. Kryetari Begaj dhe eprorët e lartë policor, kolonel Graishta dhe kapiten Krasniqi, kanë biseduar edhe për vazhdimin e bashkëpunimit në mes të dy institucioneve, për rritjen e sigurisë publike në territorin e Komunës së Malishevës dhe për mundësinë e zgjerimit të sistemit të kamerave në të gjitha pikat kyçe në Komunën e Malishevës.

Kontrolloni gjithashtu

Në Llukë të Epërme u mbajt manifestimi përkujtimor kushtuar 35-vjetorit të Kuvendit të Pajtimit të Gjaqeve

Sot në fshatin Llukë e Epërme të Deçanit u mbajt manifestimi përkujtimor kushtuar 35-vjetorit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara