Filloj hapja dhe rregullimi i një rruge në Tërpezë

13/07/2020 Institucionet

Në kuadër të realizimit të projekteve në infrastrukturën rrugore, në fshatin Tërpezë të komunës së Malishevës, përkatësisht në lagjen e “Muhaxherëve”, ka filluar hapja, zgjerimi dhe rregullimi i rrugës “Blerim Krasniqi”. Fillimin e punimeve në këtë rrugë, e ka parë nga afër edhe Kryetari i Komunës së Malishevës, Ragip Begaj, i cili ishte i shoqëruar edhe nga drejtori i urbanizimit, Ahmet Morina dhe ai i gjeodezisë, Bashkim Krasniqi. Kryetari Begaj dhe drejtorët komunal, janë takuar edhe me banorët e kësaj lagjeje, të cilët i kanë uruar për fillimin e punimeve në rregullimin e rrugës kryesore të kësaj lagjeje. “Ne jemi duke punuar në vazhdimësi që përmes rregullimit të infrastrukturës, të krijojmë kushte sa më të mira për të gjithë banorët, në çdo fshat e lagje, në mënyrë që lëvizja dhe jetesa të jetë sa më e lehtë për të gjithë”, tha kryetari Begaj. Drejtori i Drejtorisë së Urbanizimit, Ahmet Morina, tha se rruga “Blerim Krasniqi”, pjesa ku rregullohet ka një gjatësi prej 500 metrave dhe mundësohet nga buxheti i komunës, në kuadër të buxhetit të ndarë për investime kapitale.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara