Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot u mbajt vazhdimi i seancës plenare të Kuvendit mbi ndarjet buxhetore për buxhetin për vitin 2020. Sot gjatë ditës, kryeministri i Kosovës Avdullah Hoti, përmes një shkrimi në llogarinë e vet ka shkruar se është tepër e rëndësishme që Kuvendi ta miratojë buxhetin e rishikuar për 2020, si dhe të ratifikojë marrëveshjet ndërkombëtare për grante dhe kredi. “Kjo na hap rrugë për të vazhduar me pagesën e masave të mëhershme për të papunë dhe biznese, si dhe për të nisur zbatimin e programit për rimëkëmbje ekonomike. Fondi për rimëkëmbje ekonomike prej 385 milionë euro është pjesë e këtij buxheti”, ka shkruar Hoti. Ndërkohë është bërë e ditur se Kuvendi ka miratuar në parim rishikimin e buxhetit. Me 67 vota për dhe 1 abstenim ka kaluar shqyrtimi i parë i Projektligjit për plotësimin dhe ndryshimin e Ligjit mbi ndarjet buxhetore për Buxhetin e Republikës së Kosovës për vitin 2020. Rishikimi i buxhetit është përkrahur nga PDK-ja, por jo edhe nga Vetëvendosje.
