Kryetari Ramosaj ka pritur në takim, Koordinatorin e Zhvillimit të Kombeve të Bashkuara në Kosovë, Stephen O’Malley

16/07/2026 Institucionet

Kryetari i komunës së Deçanit, z. Bashkim Ramosaj ka pritur në takim, Koordinatorin e Zhvillimit të Kombeve të Bashkuara në Kosovë, z. Stephen O’Malley, i cili shoqërohej nga përfaqësues të agjencive të OKB-së.

Gjatë takimit ka shkruar Ramosaj është biseduar për zhvillimet në komunën e Deçanit dhe mundësitë e bashkëpunimit në fusha me interes të përbashkët, me theks të veçantë në zhvillimin ekonomik lokal, turizmin dhe projektet që ndikojnë në përmirësimin e jetës së qytetarëve.

Një pjesë e veçantë e takimit iu kushtua fuqizimit të grave dhe promovimit të barazisë gjinore. Shefja e Zyrës së UN Women në Kosovë, Vlora Tuzi Nushi, prezantoi projektet dhe programet që kjo agjenci zbaton në mbështetje të grave dhe avancimin e barazisë gjinore.

Kryetari Ramosaj ka falënderuar z. O’Malley dhe delegacionin e OKB-së për vizitën dhe gatishmërinë për të vazhduar bashkëpunimin me Komunën e Deçanit, në shërbim të zhvillimit dhe mirëqenies së qytetarëve deçanas.

Kontrolloni gjithashtu

Trajnim për trajtimin e rasteve të dhunës psikologjike

Në organizim të Zyrës për Barazi Gjinore të Komunës së Deçanit, u mbajt trajnimi me …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara