Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Aleancës për Ardhmërinë e Kosovës, Time Kadrijaj, ka deklaruar se partia e saj nuk do të bashkëpunojë me Lëvizjen Vetëvendosje në asnjë formë qeverisëse, duke theksuar se mbështetja për një Qeveri të re mund të ndodhë vetëm në kuadër të opozitës, por pa përfshirjen e VV-së. “Nuk po shohim ndonjë zgjidhje, por jemi për Qeverinë e opozitës,” u shpreh Kadrijaj, duke përjashtuar kategorikisht mundësinë e çfarëdo bashkëpunimi me qeverinë aktuale apo me kryeministrin Albin Kurti. Ajo e bëri të qartë se AAK mbetet e hapur për dialog dhe koordinim me subjektet e tjera opozitare, por ka një “vijë të kuqe” të pandryshueshme ndaj Vetëvendosjes. “Në asnjë mënyrë në Qeveri me Kurtin dhe nuk shkojmë në bisedime me ta,” theksoi Kadrijaj. Qëndrimi i AAK-së vjen në një kohë kur në skenën politike kosovare po shtohen zërat për ri formatim të qeverisjes dhe përpjekje për bashkërendim të opozitës.
