Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vazhdimin e dëshmisë së tij në Dhomat e Specializuara në Hagë, ish-këshilltari i NATO-s, John Stewart Duncan, ka sjellë në kujtesë bisedat që kishte zhvilluar me ish-komandantin e Ushtrisë Çlirimtare të Kosovës, Agim Çeku, pas përfundimit të luftës dhe në prag të marrëveshjes së çarmatimit. Duncan tregoi se Çeku e kishte pranuar ndihmën e NATO-s si të rëndësishme, por kishte theksuar se fitorja në betejë i takonte vetë UÇK-së.
Lidhur me procesin e çarmatimit, Çeku kishte shfaqur gatishmëri për të bashkëpunuar, por njëkohësisht kishte insistuar se vendimet duhej të kalonin përmes komandantëve të zonave. “Ai e pa dokumentin që ia dërguam, e lexoi dhe tha se e kishte pritur diçka të tillë. U shpreh dakord të punonim për këtë çështje, por shtoi se duhej diskutuar me komandantët e zonave. Madje tha se një pjesë të punës e kishte kryer tashmë, duke u dhënë urdhër njerëzve të tij që të mos angazhoheshin me serbët,” dëshmoi Duncan. Ky rrëfim, përveçse hedh dritë mbi qëndrimin e Çekut në momentet pasluftës, shërben edhe si dëshmi e mënyrës se si UÇK po transformohej nga një forcë guerile në një strukturë të disiplinuar që kërkonte legjitimitet ndërkombëtar. Në këtë kontekst, përplasja mes ndjenjës së fitores së fituar në terren dhe nevojës për t’iu nënshtruar marrëveshjeve të ndërkombëtarëve pasqyron sfidat me të cilat Kosova po përballej në atë kohë.
