Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionistja dhe ish-deputetja Aida Dërguti ka reaguar publikisht ndaj deklaratave të kryeministrit në detyrë, i cili në fund të fushatës elektorale ka përdorur, sipas saj, një gjuhë të papërshtatshme dhe fyese ndaj rivalëve politikë. Në një postim në rrjetet sociale, Dërguti ka shprehur indinjatën e saj për mënyrën se si, siç thotë ajo, figura e kryeministrit është shndërruar në simbol të mungesës së përgjegjësisë dhe të etikës publike. “Po të isha në vend të Uran Ismailit, këtij deputeti që po ia përmend Bonvivantin, do t’i përgjigjesha: sa njerëz kanë vdekur gjithandej për shkak të rrenave të tua e kurrë nuk ke dhënë llogari, ndërkohë që del e çirresh pa pikë turpi për një ngjarje që mund të ndodhë në secilin lokal”, ka shkruar Dërguti. Ky debat vjen në një moment kur fushata zgjedhore po hyn në fazën e saj përmbyllëse, me retorikë gjithnjë e më të ndezur mes subjekteve politike.
