Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionistja Aida Dërguti ka kritikuar Lëvizjen Vetëvendosje për mungesën e seriozitetit në pjesëmarrjen e seancave të Kuvendit dhe për vonesat në konstituimin e institucioneve. Ajo tha se vonesat janë një pasqyrë e mungesës së respektit për qytetarët që kanë votuar, duke theksuar se përpjekjet për të bllokuar Kuvendin po bëhen për shkak të mungesës së numrave të nevojshëm për qeverinë. Dërguti shtoi se, edhe pse Albulena Haxhiu mund të jetë e përshtatshme për të qenë pjesë e kabinetit, ajo nuk është e përshtatshme për postin e kryetares së Kuvendit. Sipas Dërgutit, kryesia e Kuvendit përfaqëson gjithë spektrin politik dhe nuk mund të drejtohet vetëm nga një parti, siç është rasti i Vetëvendosjes. Përpjekja për konstituimin e Kuvendit ka dështuar përsëri, me vetëm 57 vota për Haxhiun si kryeparlamentare.
