Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë, Albin Kurti, ka dëshmuar para Policisë së Kosovës më 10 qershor 2025 në cilësinë e të dëmtuarit, lidhur me rastin ku Faton Klinaku dhe Nuredin Selmani akuzohen për kanosje ndaj tij. Në deklaratën e siguruar nga “Betimi për Drejtësi”, Kurti ka thënë se nuk ndihet i kërcënuar, pavarësisht fushatës së shpifjeve dhe dezinformimit që, sipas tij, nxit kërcënime në rrjete sociale. Ai ka shprehur besimin në organet e rendit dhe ka theksuar se pret që Prokuroria të veprojë në përputhje me ligjin dhe interesin publik. Ndërkohë, Kurti ende nuk i është përgjigjur ftesës për të dëshmuar në rastin tjetër që lidhet me rezervat shtetërore dhe dyshimet për korrupsion në qeverinë e tij.
