Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë dhe lideri i Lëvizjes Vetëvendosje, Albin Kurti, ka mbetur përballë një afati të ngushtë kushtetues për formimin e Qeverisë së re. Deri më tani, nuk ka zhvilluar asnjë takim zyrtar me partitë opozitare, ndërsa vetë ai ka paralajmëruar se nëse nuk arrihet shumica, vendi do të shkojë në zgjedhje të reja. Sipas Kushtetutës, Kurti ka afat 15-ditor nga dita e dekretimit për të paraqitur përbërjen e Qeverisë në Kuvend. Ky afat përfundon më 26 tetor, ndërkohë që burime nga Vetëvendosje konfirmojnë se bisedimet e brendshme janë ende në fazë konsultimesh. Në një deklaratë për media, Kurti theksoi se është i hapur për dialog me secilën parti që “e sheh të ardhmen e Kosovës në integritet, zhvillim e drejtësi”, por la të kuptohet se s’do të bëjë kompromis për parimet e Vetëvendosjes. “Nëse nuk ka Kurti 3, do të ketë zgjedhje. Demokracia nuk mund të mbahet peng,” – deklaroi ai. Ndërkohë, partitë opozitare kanë refuzuar ftesën e mundshme për koalicion. PDK, LDK dhe AAK kanë dalë publikisht kundër çdo bashkëqeverisjeje me Vetëvendosjen, duke e lënë Kurtin përballë sfidës së numrave.
Mosgjetja e një partneri të ri politik mund të përshpejtojë procesin e shpërndarjes së Kuvendit dhe mbajtjen e zgjedhjeve të reja, të cilat, sipas burimeve nga KQZ, mund të zhvillohen në fund të nëntorit ose në fillim të dhjetorit 2025.
