Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Gjermanisë në Kosovë, Jorn Rohde, dhe ai i Francës, Olivier Guerot, kanë theksuar rëndësinë e ndërmarrjes së hapave konkretë nga ana e Kosovës për të avancuar në procesin e anëtarësimit në Këshillin e Evropës. Në një deklaratë të përbashkët ata e kanë lidhur këtë proces me dërgimin e draft-statutit të Asociacionit të komunave me shumicë serbe në Gjykatën Kushtetuese të Kosovës. Ambasadori Rohde kujtoi se qëndrimi i Berlinit dhe Parisit është bërë i qartë që në vitin e kaluar përmes një letre të përbashkët nga presidenti Macron, kancelari Scholz dhe kryeministrja Meloni. Ai theksoi se “topi është në fushën e Kosovës” dhe se pa këtë hap nuk mund të ketë progres në drejtim të anëtarësimit në institucionin evropian. Nga ana tjetër, ambasadori Guerot nënvizoi se qëndrimi i Francës është i njëjtë me atë të Gjermanisë, duke siguruar se Asociacioni nuk përbën rrezik për sovranitetin e Kosovës. Ai shpjegoi se draft-statuti i propozuar nga BE-ja nuk parashikon kompetenca të ngjashme me ato të entitetit serb në Bosnje, dhe se ai do të funksionojë brenda kornizës kushtetuese të Kosovës.
