Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Mbretërisë së Bashkuar në Kosovë, Jonathan Hargreaves, ka vizituar sot ushtrimin shumëkombësh “Defender Europe 25”, ku Kosova është nikoqire. Ambasadori Hargreaves vlerësoi pjesëmarrjen e Forcës së Sigurisë së Kosovës dhe aftësinë e saj për të bashkëpunuar me forcat nga Shtetet e Bashkuara të Amerikës, Shqipëria, Kroacia, Maqedonia e Veriut dhe Bullgaria.Sipas tij, ky ushtrim vjetor i ushtrisë amerikane demonstroi ndërveprueshmërinë ndërmjet aleatëve dhe partnerëve të NATO-s, si dhe zhvillimin e FSK-së në drejtim të përmbushjes së standardeve ndërkombëtare të sigurisë. “Ishte gjithashtu kënaqësi të takohesha me një nga alumnet e FSK-së nga Akademia Mbretërore Ushtarake Sandhurst në Mbretërinë e Bashkuar. Diskutuam për përvojën e saj dhe mënyrën se si po kontribuon me njohuritë e fituara për modernizimin e FSK-së”, shkroi ambasadori.
