Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadorja amerikane në Shqipëri u ka bërë thirrje të gjithë atyre që po minojnë reformën në drejtësi, të ndalojnë shpifjet dhe kërcënimet. Zonja Kim është treguar e ashpër me ata që po shtojnë përpjekjet për të penguar Vetting-un në drejtësi në një kohë kur reforma po jep gjithnjë e më shumë rezultate. Pa përmendur asnjë person konkret, ambasadorja thotë se veprimet e këtyre individëve nuk janë aq të fshehura sa ata mendojnë. “Teksa reforma në drejtësi po fillon të prodhojë gjithnjë e më shumë rezultate, kundërshtarët po shtojnë përpjekjet për të minuar elementët kyç përfshirë Vetting-un. Ata që angazhohen në kërcënime, frikësim, shpifje, oferta korruptive duhet të ndalojnë. Veprimet tuaja nuk janë aq të fshehura sa mendoni. Diplomatja amerikane shton se Shtetet e Bashkuara të Amerikës vijojnë të mbështesin fuqishëm zbatimin e Reformës në Drejtësi, si një prej çështjeve thelbësore të sigurisë kombëtare.
