Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti amerikan, Daniel Serwer, ka vlerësuar se kërkesat e kryeministrit të Kosovës, Albin Kurti, ndaj Serbisë janë të arsyeshme dhe paqësore, megjithatë, sipas tij, presidenti serb Aleksandar Vuçiq nuk ka gjasa t’i pranojë ato. Serwer ka komentuar tri kushtet e Kurtit, të cilat përfshijnë: dorëzimin e Milan Radoiçiqit, një marrëveshje për njohjen e ndërsjellë, dhe tërheqjen e letrës nga kryeministrja serbe, Ana Brnabiq, ku refuzohet njohja e pavarësisë së Kosovës, ulësja në OKB dhe respektimi i integritetit territorial të Kosovës. Sipas Serwer, kërkesat e Kurtit janë të drejta dhe të lehta për t’u përmbushur. Ai theksoi se dy nga këto kërkesa kërkojnë vetëm nënshkrim, ndërsa dorëzimi i Radoiçiqit lidhet me krime të kryera në Kosovë. Por Serwer paralajmëroi se Vuçiq nuk do t’i pranojë këto kërkesa, pasi ato nënkuptojnë njohjen e sovranitetit të Kosovës, një hap që Serbia nuk është e gatshme ta bëjë.
