Anëtarët e Komitetit për Komunitete të komunës së Deçanit vizituan komunitetet jo shumicë

23/04/2024 Institucionet

Anëtarët e Komitetit për Komunitete dhe Zyra Komunale për Komunitete dhe Kthim të komunës së Deçanit ishin në vizitë në teren në vendet ku jetojnë komunitetet, në lagjet Pemishte dhe Gramaçel. Gjatë kësaj vizite u realizuan edhe dy vizita nëpër shkolla ku ndjekin mësimin nxënësit nga komuniteti jo shumicë. Në shkollën fillore “Rexhep Kadrijaj” në Rastavic mësimin e rregullt e ndjekin gjithsej 17 nxënës të komunitetit Rom dhe Egjiptian. Nga drejtoria e kësaj shkolle u njoftuan se nxënësit e komuniteteve jo shumicë janë të integruar plotësisht dhe nuk kanë asnjë problem sa i përket vijimit te shkollimit të rregullt, përveç disa nxënësve (6) që në vazhdimësi për periudha kohore të ndryshme nuk vijojnë mësimin e rregullt. Personeli i kësaj shkolle në vazhdimësi këta nxënës i ka kthyer në proces të rregullt mësimor por të njëjtit vazhdojnë të paraqesin problem në vijueshmërinë e procesit të rregullt mësimor. Në shkollën fillore “Drita” në Gramaçel mësimin e rregullt e ndjekin gjithsej 36 nxënës te komunitetit Rom dhe Egjiptian. Nga Drejtoria e kësaj shkolle u njoftuan se nxënësit e komuniteteve jo shumicë janë të integruar plotësisht dhe nuk kanë asnjë problem sa i përket vijimit te shkollimit të rregullt, përveç një nxënësve që e ka braktis mësimin e rregullt.

Kontrolloni gjithashtu

Në Sllatinë të Epërme të Vitisë u përkujtua dëshmori Njazi Rexhepi dhe u shënua dita e shkollës

Sot, në Sllatinë të Epërme të Vitisë, u shënua dita e shkollës dhe u përkujtua …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara