Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca Veriatlantike i merr shumë seriozisht ngjarjet në veri të Kosovës, andaj KFOR-i, i udhëhequr nga NATO, po merr të gjitha masat e nevojshme për të siguruar një mjedis të sigurt dhe paqësor dhe liri të lëvizjes për të gjitha komunitetet në Kosovë. Angazhimi i KFOR-it ndaj NATO-s, duke zbatuar mandatin e tij sipas rezolutës 1244 të Këshillit të Sigurimit të OKB-së, është i palëkundur, siç tregohet nga vendosja e fundit shtesë prej 500 trupash, tha zëdhënësja e NATO-s, Oana Lungesku. Edhe një herë i kujtojmë të gjitha palët për detyrimet e tyre ndaj KFOR-it sipas Marrëveshjes Teknike Ushtarake të Kumanovës, përfshirë respektimin e vijës kufitare administrative, procedurave të Policisë së Kosovës dhe Marrëveshjes së vitit 2013 për dislokimin e Forcave të Sigurisë së Kosovës në veri”, tha zëdhënësja, Lungescu, duke shtuar se këto detyrime synojnë të sigurojnë veprim të koordinuar, të shmangin përshkallëzimin dhe të ruajnë një mjedis të sigurt dhe paqësor.
