Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i AAK-së dhe kryetari i Gjakovës, Ardian Gjini, ka komentuar zhvillimet rreth hetimit ndaj ministrit në detyrë të Bujqësisë, Faton Peci, duke thënë se aksioni i Prokurorisë Speciale nuk duhet personalizuar. Gjini theksoi se Prokuroria është institucion dhe jo individ, duke kundërshtuar deklaratat që e cilësojnë këtë veprim si personal i kryeprokurorit Blerim Isufaj. Sipas tij, “Isufaj rrezikon të bëhet hero i Kosovës”, në një kohë kur, siç u shpreh ai, shumë zyrtarë të Vetëvendosjes do të përballen me ndjenjën e turpit për qëndrimet e tyre. Reagimi i Gjinit vjen pas kritikave të ashpra të ministres në detyrë të Jashtme, Donika Gërvalla, e cila e quajti aksionin “inskenim të gërditshëm” dhe të drejtuar nga Isufaj.
