Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK-së, Armend Zemaj, ka konfirmuar se partia e tij do të marrë pjesë në votimin për kryeparlamentar që mbahet nesër. Ai tha se vota e LDK-së do të jetë kundër kandidatit të propozuar nga Lëvizja Vetëvendosje. Në seancat e fundit, kandidatura ka qenë Albulena Haxhiu, por Zemaj theksoi se qëndrimi i LDK-së është i njëjtë, pavarësisht emrit. “Vota jonë kundër është pjesë e vendimmarrjes, me qëndrim politik të qartë”, tha ai në emisionin “DPT te Fidani”. Zemaj sqaroi se LDK nuk ka ndonjë preferencë për emrin e kandidatit. Ai akuzoi VV-në për mungesë bashkëpunimi dhe sjellje arrogante në Kuvend. LDK e konsideron këtë votë si formë kundërshtimi ndaj qasjes politike të VV-së. Ai mohoi që kjo të jetë tentativë për bllokim, duke e quajtur përgjegjësi institucionale. Votimi pritet të zhvillohet mes tensioneve politike për drejtimin e Kuvendit.
