Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike të Kosovës, Armend Zemaj, ka komentuar zhvillimet në Kuvendin e Kosovës, duke thënë se vendimi për masën e përkohshme nga Gjykata Kushtetuese vjen si përgjigje ndaj kërkesës së dorëzuar nga LDK. Sipas tij, ky vendim ka dy qëllime: të shmangë një vakum institucional që mund të keqpërdoret nga kryesuesi i seancës dhe të japë kohë për gjetjen e një zgjidhjeje. “Ndoshta për të krijuar hapësirë që Lëvizja Vetëvendosje të gjejë bashkëpunim, mirëkuptim dhe të krijojë mirëbesim për të zgjedhur kryetarin e Kuvendit e për të kaluar më tej tek formimi i Qeverisë”, tha Zemaj. Megjithatë, ai shtoi se problemi thelbësor i Vetëvendosjes mbetet mungesa e votave për të formuar qeverinë. “Për pasojë, kjo ka çuar në bllokimin e Kuvendit,” theksoi Zemaj.
