Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova po përballet me një nga momentet më të rënda të degradimit institucional, ka deklaruar Arsim Bajrami, anëtar i Akademisë së Shkencave dhe Arteve të Kosovës. Ai e cilësoi situatën aktuale si më të rëndën në historinë e re politike të vendit, duke theksuar se mungesa e formimit të institucioneve po dërgon mesazhe shqetësuese tek partnerët ndërkombëtarë për kapacitetin qeverisës të shtetit. Sipas Bajramit, vonesat e vazhdueshme në konstituimin e institucioneve mund të jenë të ndikuara nga interesa politike, por dëmet që po i shkaktohen shtetësisë janë serioze dhe të pakthyeshme. “Jemi dëshmitarë të një degradimi që ka tejkaluar edhe krizat e zakonshme politike. Pamundësia për të formuar institucione është një sinjal alarmues që rrezikon funksionimin e shtetit dhe imazhin tonë ndërkombëtar,” – tha Bajrami. Ai bëri thirrje për përgjegjësi dhe reflektim, duke paralajmëruar se vazhdimi i këtij ngërçi institucional mund të ketë pasoja afatgjata për demokracinë dhe stabilitetin në vend.
