Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Artan Behrami, ka drejtuar kritika të ashpra ndaj misionit të Bashkimit Evropian për sundimin e ligjit në Kosovë, EULEX, duke e lidhur atë drejtpërdrejt me veprimtarinë e Gjykatës Speciale. Behrami ka deklaruar se EULEX-i ka qenë i përfshirë në të gjitha veprimet e Speciales në Kosovë, duke e cilësuar këtë përfshirje si të papranueshme. Sipas tij, ky mision ka vepruar si “dorë e zgjatur” e Gjykatës Speciale, duke marrë pjesë në aksione të ndryshme, nga aktivitetet informuese nëpër shkolla deri te arrestimet dhe bastisjet. “Në krejt poshtërsitë të Gjykatës Speciale, në të gjitha aksionet — nga ligjëratat nëpër shkolla e deri të arrestimet dhe bastisjet, EULEX-i ka qenë dora e zgjatur e tyre në Kosovë!”, ka shkruar Behrami. Deri më tani nuk ka pasur reagim zyrtar nga EULEX lidhur me këto deklarata.
