Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për deputet nga Aleanca për Ardhmërinë e Kosovës, Artan Demhasaj, ka deklaruar se partneri i koalicionit, NISMA, ka bllokuar votën në Komunën e Malishevës. Demhasaj ka theksuar se dhjetë kandidatët më të votuar në këtë komunë kanë qenë nga NISMA, dhe as kandidati për kryeministër i koalicionit nuk ka marrë vota. Sipas tij, kjo është një tregues i qartë i funksionimit të koalicionit. Ai ka shtuar se AAK nuk ka bërë kalkulime për të ndarë votat dhe se kandidatët e NISMA-s janë votuar në komunat bastion të AAK-së, siç janë Deçani, Gjakova, Peja dhe Klinë. Nëse e shohim dhjetëshen e parë më të votuar në Malishevë, aty shohim që dhjetë kandidatët e parë janë të NISMA-s, kjo tregon që është bërë një bllokim i votës, nuk është votuar as kandidati për kryeministër. Aleanca nuk ka bërë kalkulime, elektorati ka votuar si ka dashur, tha Demhasaj.
