Brickos

Asfaltohet rruga që lidhë dy lagje të Vërmicës

06/08/2019 Institucionet

Në kuadër të investimeve në infrastrukturën rrugore në vendbanimet e Komunës së Malishevës, ka filluar asfaltimi i rrugës që lidhë dy lagje në fshatin Vërmicë dhe në të njëjtën kohë, për njërën lagje, shkurtohet rruga për nxënësit, të cilët shkojnë në shkollën e fshatit, duke mundësuar kështu edhe siguri më të madhe për nxënësit dhe banorët. Gjatë punimeve në asfaltimin e rrugës në fshatin Vërmicë, ishin të pranishëm edhe Kryetari i Komunës së Malishevës, Ragip Begaj dhe drejtori i Drejtorisë së Urbanizmit, Islam Vrenezi, të cilët e kanë parë nga afër realizimin e këtij projekt, me rëndësi të madhe për banorët e të dy lagjeve. “Kjo ka qenë një kërkesë e hershme e banorëve të lagjeve Ukaj dhe Kastrati, dhe falë angazhimeve tona për rregullimin e infrastrukturës së përgjithshme, kemi arritur që të realizojmë edhe këtë projekt dhe besoj që banorët tani janë të kënaqur, pasi kjo rrugë jo vetëm që i lidhë dy lagjet, por edhe e shkurton rrugën për nxënësit”, tha kryetari Begaj. Me këtë rast Begaj i ka uruar edhe banorët për rrugën e re dhe këtë investim të radhës në fshatin Vërmicë. Drejtori i urbanizmit, Islam Vrenezi, tha se kjo rrugë është e gjatë 460 metra dhe gjerësi pesë metra.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara