Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata Astronomy Outreach of Kosovo (AOK) ka reaguar ashpër ndaj kryetarit të Komunës së Shtimes, Qemajl Aliu, i cili kishte lënë të kuptohej se Observatori dhe Planetariumi Kombëtar i Kosovës është arritje e pushtetit lokal. Në një deklaratë të fortë, themeluesja Pranvera Hyseni ka theksuar se projekti është ideuar, zhvilluar dhe realizuar nga AOK për më shumë se një dekadë, pa asnjë mbështetje reale nga komuna.
“Ky observator nuk është vepër politike, por fryt i punës dhe përkushtimit të një ekipi që e do shkencën,” – thuhet në reagim. Sipas saj, kontributi i vetëm i komunës ka qenë asfaltimi i 100 metrave rrugë pak ditë para hapjes, ndërsa çdo fazë tjetër – nga projektimi, fondet, pajisjet e deri te inaugurimi – është bërë nga AOK. Organizata akuzon komunën për presione politike dhe mungesë bashkëpunimi, madje asnjë shpenzim për ceremoninë e hapjes nuk është mbuluar nga pushteti lokal. “Çdo gjë u pagua nga ne dhe nga miqtë tanë ndërkombëtarë,” theksoi Hyseni, duke shtuar se observatori mbijeton vetëm nga të ardhurat e vizitorëve.
Ajo e cilëson këtë qendër si “pasuri kombëtare që i takon çdo qytetari, jo një partie apo kryetari komune”.
