Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish kryeministri, Avdullah Hoti ka konstatuar se kryetarja e vendit, Vjosa Osmani, po e përfundon mandatin pa lënë asnjë gjurmë në shtetndërtimin e Kosovës. Ai ka theksuar më tutje se kryetarja, Vjosa Osmani, në pesë vite gati në krye të vendit, ka dështuar ta përfaqësojë unitetin e popullit, si dhe të ruajë funksionimin kushtetues të institucioneve. “Të gjitha veprimet politike të saj, në të gjitha situatat prej se është në politikë, pa përjashtim, i ka nënshtruar interesave elektorale për qëllime personale. Të gjitha. Edhe gjatë kohës sa ka qenë në Lidhjen Demokratike të Kosovës – kur kemi qenë në opozitë ose në qeverisje – veprimet e saj, mandej sjellja e saj në vitin 2020 dhe 2021, kur doli nga partia, komplet duke braktisur shtëpinë e vet politike, jo për çështje parimore, jo për të mbrojtur parime – por thjesht për interesa elektorale. Edhe tash deklarimet e saj unë i shoh nga ky këndvështrim – kalkulime elektorale që po mundohet t’i promovojë në publik… Tani kur po i mbaron mandati i saj, unë besoj se është koha që të bëhen llogaritë për punën e saj në presidencë dhe në skenën politike” ka porositur gjatë intervistës për Kosovapress, deputeti, Avdullah Hoti.
