Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-diplomati Avni Arifi ka reaguar ndaj situatës së krijuar nga mos konstituimi i institucioneve të reja shtetërore, duke e cilësuar atë si një rrezik të madh për pozitën ndërkombëtare të Kosovës dhe rrugëtimin e saj drejt integrimeve euroatlantike. Dorën në zemër, ma mirë mos me pas hiç diplomaci se me pas diplomaci çfarë e kemi parë në 5 vitet e fundit, deklaroi Arifi, duke kritikuar ashpër performancën e diplomacisë kosovare në vitet e fundit dhe duke e quajtur atë pasive e të pafuqishme në arenën ndërkombëtare. Vonesat në formimin e institucioneve po thellojnë edhe më shumë dështimet në politikën e jashtme, në një periudhë kur Kosova ka nevojë urgjente për të arritur suksese dhe përparim në skenën ndërkombëtare. Arifi paralajmëroi se pasojat e kësaj vonese institucionale mund të jenë afatgjata dhe të vështira për t’u rikuperuar: “Dëmet janë vështirë dhe vonë të rikuperueshme.”
