Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësi i zhvillimeve politike, Avni Arifi, ka deklaruar se edhe seanca e nesërme e Kuvendit të Kosovës, e cila do të mbahet më 11 maj, nuk pritet të sjellë ndonjë zgjidhje për krizën institucionale që po vazhdon prej më shumë se tre muajsh. Kjo do të jetë tentativa e 14-të për konstituimin e Kuvendit, pas dështimit të fundit më 10 maj. Arifi kritikoi ashpër liderin e Vetëvendosjes, Albin Kurti, për mënyrën se si po e trajton situatën. Ai vlerësoi se Kurti nuk po e shfaq veten si lider i një partie që ka dalë fituese në zgjedhje, por po sillet si sundimtar. “Pas fjalimit të sotshëm të Kurtit në VV, është e qartë që Kurti nuk e sheh rolin e vet si lider i një partie fituese, por si sundimtar. Urdhrat e tij që opozita ta votojë Albulenën nuk besoj se do të realizohen. Pra, asgjë s’pritet nga nesër,” tha Arifi.
