Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rrjeti i OJQ-ve AVONET ka shprehur shqetësimin e tij për procesin e numërimit të votave nga Komisioni Qendror i Zgjedhjeve, duke e cilësuar si një dështim të vazhdueshëm të këtij institucioni në përmbushjen e detyrimeve kushtetuese dhe ligjore. Sipas AVONET, gjatë vëzhgimit në Qendrën Komunale të Numërimit në Ferizaj, u evidentua se numërimi i votave të kandidatëve është penguar nga probleme me softuerin e KQZ-së. Kjo, sipas tyre, ka shkaktuar vonesa të mëdha dhe ka ndikuar negativisht në besueshmërinë e procesit zgjedhor. Në një reagim zyrtar, AVONET ka kërkuar nga KQZ-ja të ndërmarrë masa urgjente për të adresuar problemet teknike dhe për të garantuar mbarëvajtjen e numërimit në përputhje me standardet kushtetuese dhe ligjore.
