Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shqipërisë, Bajram Begaj, pas shpalljes si “Qytetar Nderi” i Gjilanit, ka deklaruar se ky vlerësim është një nderim i përbashkët për gjithë shqiptarët që qëndruan të pandashëm në momentet më të vështira të historisë. Ai theksoi se pavarësia e Kosovës nuk ishte dhuratë, por një sakrificë e madhe për liri. Begaj përmendi heronjtë e shumtë të Gjilanit, si Idriz Seferi, Ramiz Cernica, Kadri Zeka, Nuhi Rexhepi dhe Agim Ramadani, duke vlerësuar kontributin e tyre për lirinë dhe pavarësinë e Kosovës. Ai theksoi se Shqipëria ka qenë gjithmonë krah Kosovës dhe se dy shtetet janë një komb me një gjak, një gjuhë dhe një histori të përbashkët. Në fjalën e tij, kryetari Begaj u shpreh se Shqipëria dhe Kosova duhet të bashkëpunojnë për të arritur një qëllim të përbashkët: rrugën drejt Bashkimit Evropian. Ai theksoi se të dy vendet janë kontribuues të stabilitetit në rajon dhe kanë një besim të thellë në vlerat demokratike, lirinë dhe integrimin euroatlantik.
