Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vetëm një muaj para zgjedhjeve të 11 majit, Barometri i publikuar nga “Euronews Albania” ka zbuluar prirjet më të fundit të opinionit publik për preferencat politike dhe pëlqyeshmërinë e liderëve politikë në Shqipëri. Sipas sondazhit, Partia Socialiste e Shqipërisë, e drejtuar nga kryeministri Edi Rama, mban një epërsi të qartë me 40.6% të mbështetjes së qytetarëve. Në vendin e dytë pozicionohet Koalicioni Aleanca Shqipëria Madhështore, i udhëhequr nga Sali Berisha, me 30% të votës së deklaruar. Lidhur me perceptimin për liderin më të përshtatshëm për postin e kryeministrit, Edi Rama vijon të kryesojë me 44%, duke lënë pas Sali Berishën me 22.9%. Barometri sinjalizon një dominim të qartë të Partisë Socialiste në skenën politike, ndërsa partitë e reja po përpiqen të gjejnë hapësirë në një peizazh ende të polarizuar. Me një përqindje të konsiderueshme qytetarësh të pavendosur, muaji i ardhshëm pritet të jetë vendimtar për përcaktimin e balancave përfundimtare të votës.
