Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Demokratik për Integrim ka reaguar ashpër ndaj vendimit që uniformat e reja të policisë të jenë vetëm në gjuhën maqedonase. Sipas BDI-së, ky akt përbën shkelje flagrante të Marrëveshjes së Ohrit dhe të ligjit për përdorimin e gjuhëve, që garanton barazi dhe dygjuhësi në institucionet shtetërore. Partia thekson se ky vendim nuk është rast i izoluar, por vazhdimësi e politikave diskriminuese të VMRO-DPMNE-së, e cila tashmë ka nisur procedura për heqjen e gjuhës shqipe si gjuhë zyrtare. BDI kritikon edhe partitë shqiptare në pushtet për heshtjen dhe pajtimin e tyre me këtë vendim, duke i akuzuar se kanë pranuar të bëhen vasalë të politikave anti-shqiptare. “Uniformat nuk janë vetëm veshje, por simbol i barazisë dhe respektit. Njëgjuhësia në këtë rast është poshtërim për shqiptarët”, thuhet në reagimin e BDI-së. Kjo parti kërkon tërheqjen e menjëhershme të vendimit, zëvendësimin e uniformave me mbishkrime dygjuhëshe dhe kërkimfalje publike nga partitë shqiptare që e kanë mbështetur këtë proces. “Barazia nuk është luks, është detyrim ligjor, moral dhe kombëtar. Shqiptarët nuk do të pranojnë poshtërime të tilla”, përfundon deklarata.
