Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Bedri Hamza, ka nënshkruar peticionin kombëtar në mbështetje të ish-krerëve të Ushtria Çlirimtare e Kosovës, të cilët po gjykohen nga gjykata speciale në Hagë. Hamza tha se mbështetja ndaj ish-luftëtarëve është detyrim moral dhe institucional për secilin qytetar të Kosovës. Në një reagim në rrjetet sociale, ai theksoi se lufta e UÇK-së ishte e drejtë dhe mbrojtëse. “Është detyrë e secilit prej nesh që t’u qëndrojë pranë atyre që kontribuuan me vite të tëra për lirinë dhe shtetin tonë. Lufta çlirimtare ishte mbrojtëse, e drejtë dhe jam i bindur se drejtësia së shpejti do ta rikonfirmojë këtë”, ka shkruar Hamza në. Peticioni në mbështetje të ish-krerëve të UÇK-së, është nënshkruar më 13 mars edhe nga kryetari në largim i Aleanca për Ardhmërinë e Kosovës, Ramush Haradinaj. Nisma është ndërmarrë nga kategoritë e dala nga lufta e UÇK-së më 25 shkurt dhe synon t’i drejtohet Dhomat e Specializuara të Kosovës në shenjë mbështetjeje për ish-drejtuesit e saj. Organizatorët kanë ftuar qytetarët e Kosovës dhe bashkëkombësit në diasporë që t’i bashkohen kësaj nisme, duke e konsideruar atë si një veprim simbolik për të shprehur solidaritet ndaj ish-luftëtarëve të UÇK-së që po përballen me proces gjyqësor në Hagë. Organizatorët kanë bërë thirrje që qytetarët brenda dhe jashtë Kosovës të bashkohen me këtë peticion, duke e parë atë si një formë mbështetjeje publike për ish-krerët e UÇK-së dhe për narrativën e luftës çlirimtare të Kosovës.
