Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Bedri Hamza, ka reaguar pas vendimit për lirimin me kusht të Bashkim Smakajt, Fadil Fazliut dhe Haxhi Shalës, duke e cilësuar këtë zhvillim si një lajm të gëzueshëm për familjet dhe opinionin publik. Megjithatë, Hamza ka theksuar se gëzimi nuk mund të jetë i plotë përderisa ish-krerë të tjerë të Ushtrisë Çlirimtare të Kosovës vazhdojnë të mbahen në paraburgim në Hagë. Sipas tij, drejtësia mbetet e mangët derisa secili prej tyre të rikthehet në shtëpi. “Ky është një lajm i mirë, por jo i mjaftueshëm. Përderisa edhe një i vetëm prej çlirimtarëve vazhdon të mbahet atje, nuk mund të flasim për drejtësi të plotë”, është shprehur Hamza. Në reagimin e tij, ai ka përsëritur qëndrimin se lufta e UÇK-së ka qenë e drejtë, e pastër dhe çlirimtare, e udhëhequr nga ideali i lirisë dhe mbrojtjes së popullit.
