Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Artan Behrami, ka kritikuar ashpër heshtjen e udhëheqësve shtetërorë të Kosovës pas parullave fyese ndaj shqiptarëve, që u dëgjuan gjatë ndeshjes së basketbollit ndërmjet Maqedonisë së Veriut dhe Rumanisë në Kumanovë.
Përmes një postimi në Facebook, Behrami ka akuzuar kryeministrin Albin Kurti, presidenten Vjosa Osmani dhe ministren e jashtme Donika Gërvalla për “bashkëfajësi morale dhe politike”, duke i cilësuar si pjesë të një “koalicioni të heshtur me nostalgjikët e represionit jugosllav në Shkup”.
Sipas tij, Kurti ka kontribuar drejtpërdrejt në ardhjen në pushtet të Hristijan Mickoskit përmes koalicionit me VLEN-in, ndërsa institucionet e Kosovës nuk po reagojnë ndaj fyerjeve raciste ndaj shqiptarëve në Maqedoni.
“Shqiptarët nuk mund të jenë më spektatorë të këtij solidariteti të heshtur kundër vetes”, shkroi Behrami, duke e cilësuar këtë qasje si të rrezikshme për vetëdijen dhe dinjitetin kombëtar.
