Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës Kosova e Re Behgjet Pacolli, ka reaguar ndaj dështimit të 26-të për konstituimin e Kuvendit të Kosovës, duke e quajtur situatën një prej poshtërsive më të mëdha politike në vitet e fundit. Pacolli ka kujtuar përvojën e tij në zgjidhjen e krizave politike, pavarësisht kritikave që i bëheshin në të kaluarën. Ai theksoi se vepronte për interesin e Kosovës dhe jo për kalkulime partiake. “Mua dikur më quanin servil, të paditur e të paaftë për politikë – vetëm sepse zgjidhja krizat politike, pa marrë parasysh se kush ishin partitë apo partnerët. E bëja për Kosovën, sepse e dija se çdo bllokadë politike e dëmton vendin”, ka shkruar ai. Pacolli kritikoi ashpër sjelljen e disa deputetëve, të cilët, sipas tij, e kanë shndërruar postin publik në mjet për interesa personale dhe jo për të përfaqësuar qytetarët. Ai tha se kjo krizë e pafund po dëmton të ardhmen e vendit dhe po zbeh besimin e qytetarëve në demokraci. Kuvendi ka rënë në duart e individëve që më shumë se për funksionimin e shtetit, janë të përqendruar në pazare politike dhe luftë për pushtet.
