Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministri i Integrimit Europian dhe ish-këshilltari i Presidentit Hashim Thaçi, Bekim Çollaku, ka reaguar pas deklaratës së fundit të Donald Trump, duke e cilësuar atë si një sinjal se administrata aktuale amerikane ka një kujtesë të qartë dhe vëmendje të kristalizuar për çështjen e Kosovës. Në një deklaratë për Euronews Albania, Çollaku vlerësoi rikthimin e vëmendjes ndërkombëtare, por paralajmëroi se Kosova nuk është e përgatitur për një fazë të re të negociatave. Ai theksoi se vendi ndodhet në një bllokadë politike që e bën të pamundur përfaqësimin serioz në një proces të mundshëm paqeje. “Postimi i Trump është i mirëpritur dhe dëshmon se SHBA-të nuk e kanë harruar Kosovën. Marrëveshja e parë në Washington ishte ekonomike, e dyta duhet të jetë politike – por për këtë nevojiten liderë të vërtetë, jo praktikantë”, tha Çollaku. Ai shtoi se paqja nuk mund të negociohet nga aktorë të dobët e të papërgatitur politikisht, duke nënvizuar mungesën e kapaciteteve aktuale institucionale në Kosovë për të hyrë në dialog serioz.
