Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i PDK-së, Bekim Haxhiu, ka njoftuar se ka dorëzuar dy ankesa në Panelin Zgjedhor për Ankesa dhe Parashtresa (PZAP) kundër rezultateve përfundimtare të shpallura nga Komisioni Qendror i Zgjedhjeve. Sipas Haxhiut, ankesat kanë të bëjnë me përfshirjen e 23,323 pakove të fletëvotimeve me postë nga votimi jashtë Kosovës, të cilat, sipas tij, janë pranuar pas afatit ligjor, si dhe me llogaritjen e gabuar të rezultatit përfundimtar të zgjedhjeve. Ai ka theksuar se këto veprime janë në kundërshtim me Ligjin për Zgjedhjet e Përgjithshme dhe se kanë ndikuar drejtpërdrejt në ndarjen e mandateve dhe renditjen e kandidatëve në zgjedhjet e jashtëzakonshme të 28 dhjetorit 2025. “Afatet zgjedhore dhe barazia e votës nuk janë rekomandime, por garanci për besueshmërinë e procesit zgjedhor. Asnjë vendim administrativ i KQZ-së nuk mund të ndryshojë ligjin dhe Kushtetutën”, ka deklaruar Haxhiu. Ai ka shtuar se nuk kërkon privilegje, por zbatim të barabartë të ligjit dhe të parimeve kushtetuese në procesin zgjedhor.
