Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Beogradi nuk po e ndalë në asnjë moment presionin ndaj shqiptarëve në Kosovën Lindore. Ndonëse Serbisë çdo ditë e më shumë po i hapen dyert e integrimit në Bashkimin Evropian, ajo nuk ka ndryshuar qasjen diskriminuese ndaj shqiptarëve në Preshevë, Medvegjë e Bujanoc, duke i privuar ata edhe nga përdorimi i simboleve kombëtare. Rasti i fundit eklatant është shqiptimi i një gjobe për Nexhat Jasharin, imam në xhaminë e fshatit Geraj të Preshevës. Atij i është shqiptuar një gjobë prej 300 eurosh me pretekstin se ka përdorur ‘simbole të palejuara’. Është fjala për faktin që ai me 28 Nëntor 2014 në minaren e xhamisë kishte vendosur flamurin kuqezi. Gjykata konsideron se me këtë është kryer ‘vepër të jashtëligjshme’ dhe se gjoba është e pakthyeshme. Ndaj këtij rasti por edhe shkeljeve të vazhdueshme të të drejtave të njeriut, Qeveria e Isa Mustafës nuk ka bërë asnjë reagim, qoftë edhe deklarativ.
