Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në 26-vjetorin e Çlirimit të Kosovës, deputeti Besnik Tahiri ka kujtuar me emocion hyrjen e trupave britanike më 12 qershor 1999, një ngjarje historike që, sipas tij, shënoi realisht pavarësinë e vendit. Në një vizitë simbolike së bashku me kolonelin britanik Chris Warren, që kishte udhëhequr njësi elitare në atë kohë, Tahiri ndaloi në disa nga pikat kyçe të hyrjes në Kosovë, përfshirë tunelin e Hanit të Elezit, urën e helikopterëve dhe zonat e deminuara të Suhadollit dhe Magurës. Tahiri theksoi se më 12 qershor përfundoi pushtimi shekullor i Kosovës dhe filloi bashkimi i shqiptarëve me botën demokratike, duke ndalur gjenocidin dhe sjellë shpresë për popullin. Në reflektimin e tij, Tahiri ngriti alarmin për rrezikun që përfaqëson status quo-ja në Kosovë, duke e cilësuar atë si kërcënimin më të madh për të ardhmen. Ai përmendi tre të vërteta thelbësore: përpjekjet e vazhdueshme të Serbisë për të minuar shtetin e Kosovës, domosdoshmërinë e aleancave strategjike me SHBA-në dhe Evropën, si dhe nevojën për një fokus të madh në katër shtylla zhvillimi për dekadën e ardhshme: energjinë, ekonominë, edukimin dhe integrimin evropian, përfundoi Tahiri.
