Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e 25-vjetorit të themelimit të Aleancës për Ardhmërinë e Kosovës, nënkryetari i partisë, Besnik Tahiri, ka vlerësuar lart kontributin dhe rrugëtimin e saj si një forcë e rëndësishme në proceset shtetformuese të Kosovës. Tahiri theksoi se AAK-ja, e themeluar nga Ramush Haradinaj menjëherë pas luftës, u konsolidua si forcë politike me vizion dhe stabilitet në periudha kritike për vendin. “AAK vendosi standardet para statusit dhe bashkoi skenën politike të polarizuar. Po atë vit, kryeministri Haradinaj u përball me drejtësinë ndërkombëtare dhe doli i pastër, duke mbrojtur dinjitetin e UÇK-së dhe të Kosovës”, shkroi ai. Tahiri nënvizoi se Aleanca ka zgjedhur gjithmonë rrugën e unitetit dhe të ndërtimit të shtetit, përpara çdo interesi politik. “Urime 25-vjetori. Të qëndrojmë me krenari për të kaluarën dhe me mençuri për të ardhmen”, përfundoi Besnik Tahiri.