leoni

Biblioteka e SHFMU “Rifat Berisha” në Berishë u pasurua me 200 libra të rinj

15/02/2024 Institucionet

Në vigjilje të shënimit të 17 Shkurtit-Ditës së Pavarësisë së Republikës së Kosovës, biblioteka e SHFMU ”Rifat Berisha” në Berishë të komunës së Malishevës, ka marrë një donacion prej 200 librave për bibliotekën e shkollës. Ky fond i librave është donacion nga shkrimtari Mehdi Krasniqi, i njohur për aksionin e tij për grumbullimin e librave për nevoja të bibliotekave shkollore dhe më gjerë. Donacioni është dorëzuar nga zyrtarët e drejtorisë për arsim dhe edukim (DAE) në Malishevës, përkatësisht, zyrtarët përgjegjës të kësaj drejtorie, Sabit Berisha, Remzi Buçaj, Enver Mazreku dhe vet donatori, Mehdi Krasniq. Pranimi i këtij donacioni është bërë nga drejtori i kësaj shkolle, Fehmi Zogaj, i cili në emër të stafit mësimor, nxënësve të shkollës dhe prindërve, e ka falënderuar drejtoreshën e DAE, Arbëreshë Krasniqi për përkrahjen e vazhdueshme, si dhe donatorin. Nga ana tjetër, shefi i DAE, Sabit Berisha, ka shprehur urimet e drejtorisë për të gjithë nxënësit dhe mësuesit e kësaj shkolle, në prag të 17 Shkurtit, ndërsa lidhur me donacionin e dorëzuar sot, tha se “pasurimi i kësaj biblioteke me libra, u bë e mundur falë përkushtimit të Mehdi Krasniqit dhe donatorëve,  të cilët nuk ndalen në  përkrahje të  institucioneve tona e  fëmijëve  tanë, që të kenë kushte sa më të mira për arsim dhe edukim”.

Kontrolloni gjithashtu

Kryetari Ramosaj priti në takim Presim Ferataj, Zëvendëskomandant i Komandës Rajonale Perëndimore të KFOR-it

Kryetari i Komunës, së Deçanit, z. Bashkim Ramosaj së bashku me nënkryetarin, z.Sami Cacaj sot pritën …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara