Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari amerikan i Shtetit, Antony Blinken, gjatë qëndrimit për vizitë në Tiranë është cituar të ketë deklaruar se dialogu mes Kosovës dhe Serbisë, të cilin e ndërmjetëson Bashkimi Evropian, është rruga e duhur dhe e vetme për dy vendet që të lëvizin përpara. “Po bëjmë gjithçka të mundur për t’i mbështetur ato”, tha ai. Kryediplomati amerikan i bëri komentet në një konferencë për gazetarë me kryeministrin e Shqipërisë, Edi Rama, në Tiranë. Ai tha se Amerika do të punojë edhe me Shqipërinë dhe të tjerët, për të ndihmuar Kosovën e Serbinë që të avancojnë drejt normalizimit të marrëdhënieve. Amerika e di se çfarë ka ndodhur në rajon 30 vjet më parë, andaj nuk mund të ketë përsëritje të saj. Për këtë arsye jemi të angazhuar t’i mbështesim të gjitha përpjekjet për të çuar përpara integrimin e gjithë Ballkanit Perëndimor”, tha Sekretari amerikan i Shtetit, Antony Blinken.
